Wararka ka imaanaya magaalada Kismaayo ayaa sheegaya in amniga
magaalada ay maanta la wareegeen ciidamo loogu talogalay sugidda amniga
doorashada.
Ciidamadan oo 100 askari ah ayaa waxaa hoggaaminaya Ismaaciil
Saxardiid oo horay u ahaa taliyaha qeybta 43aad ee ciidanka xoogga dalka,
haatanna ah taliyaha ciidanka amniga doorashada Jubbaland.
Wararka ayaa intaasi ku daraya iney jidadka Kismaayo sidoo kale
joogaan ciidamo booliis ah, oo horay halkaasi uga shaqeynayey.
Dhinaca kale, dad xog ogaal ayaa Goobjoog News u
xaqiijiyey in ay magaalada ka baxeen murashaxiinta ay taageerto dowladda
federaalka ah, kuwaas oo qaarkood Muqdisho u imaanaya la tashiyo iyo xeelado
kale.
Comments
Post a Comment